1984-89 අතර තුලදී ලංකාවේ ප්‍රචාරක ආයතන වලදී නිර්මාණය කරන ලද විවිධ ශයිලින්ගෙන් කරන ලද චිත්‍ර. එහි විස්තර දැනගැනීමට එම චිත්‍රය click කර එය විශාල කරන්න
මාගේ පළමුවෙනි ප්‍රචාරක ආයතනය වන මාස්ටර්ස් සමාගමේ සේවය කරන විට, මර්කන්ටයිල් ක්‍රෙඩිට් සමාගමේ දැන්වීමකට අදින ලද එම සමාගමේ ලාංචනය ත්‍රිමාන ලෙස කාසියකට යොදා චිත්‍රයකට නැගුම. ටින්ට්/ස්ක්‍රීන් සහ ඉරි වලින් සැදුනු එම කාසියේ සෙවනැල්ල, එයාර් බ්‍රෂ් (air-brush) ක්‍රමයෙන් නිර්මාණය කර එකතු කෙරුණි.
JWT ප්‍රචාරක ආයතනයේදී කාර්ගිල්ස් සමාගමේ නත්තල් දැන්වීමකට අදින ලද චිත්‍රයක්. මෙයද කලින් නිර්මාණය සේම තීන්තෙන් ඇඳ, පසුව එහි ආලෝකය සහ සෙවනැලි වල ශේඩින් වලට ටින්ට්/ස්ක්‍රීන් යොදා ගනිමින් නිම කරන ලදී.
JWT ආයතනයේදී මවුන්ට් ලැවිනියා හෝටලයේ රාත්‍රී සමාජ ශාලාවේ සතියේ වන රසාංග ඇතුලත් දැන්වීමක්. මෙය සම්පුර්ණයෙන්ම එයාර් බ්‍රෂ් ක්‍රමයට නිම කරන ලද්දේ එහි පෙන්වන ස්ත්‍රිය රාත්‍රියේදී පාරේ බිත්තියක ස්ප්‍රේ කෑන් (spray can) එකකින් එහි මාතෘකාව අදින බව පෙන්නුම් කරන නිසාය. ඒ ක්‍රමය ඉරි වලින් අදින චිත්‍රයකට වඩා සාර්ථක විය.
JWT ආයතනයේදී මවුන්ට් ලැවිනියා හෝටලයේ රාත්‍රී සමාජ ශාලාවේ සතියේ වන රසාංග ඇතුලත් තවත් දැන්වීමක්. මෙහි ප්‍රධාන වස්තු බීජය වන්නේ LP රෙකෝඩ් එකක් නිසා කලින් කරන ලද එයාර් බ්‍රෂ් ක්‍රමය වෙනුවට ඉරි වලින් අදින චිත්‍රය වඩා ගැලපුණි.
Testing
No comments:
Post a Comment